Azərbaycan, Bakı, 15 iyul /Trend, müxbir Rufiz Hafizoğlu/
Türkiyə Xarici İşlər Nazirliyi (XİN) Çində türkiyəli diplomatlar tərəfindən uyğur türklərinin Suriyadakı hərbi münaqişədə iştiraka cəlb edilməsi ilə bağlı məlumatı təkzib edib.
Bu barədə Trend nazirliyin yaydığı məlumata istinadən xəbər verir.
Qeyd olunur ki, Cənub-Şərqi Asiyada türkiyəli diplomatların guya uyğur türklərinə pasport verməklə onların Suriya münaqişəsində iştirakına yardım etməsi ilə bağlı məlumat həqiqətə uyğun deyil.