Bakı. Trend:
İtaliyanın paytaxtı Romada bələdiyyə rəhbəri mafiyadan müsadirə edilən binalara 200 min miqrantın yerləşdiriləcəyini deyib.
Trend-in məlumatına görə, Virginia Raggi "Facebook" hesabından etdiyi açıqlamada deyib ki, hazırda bununla bağlı yerli qurumlarla müzakirələr aparılır.
Qeyd edək ki, keçən həftə Romada polislər əsasən Efiopiya və Eritreyadan olan miqrantların yaşadıqları evlərə reyd keçirib, miqrantlara qarşı təzyiqli su şırnaqlarından istifadə edilib.
Hadisə yerli mətbuatda ciddi tənqid olunmuşdu.