Bakı. Rufiz Hafizoğlu - Trend:
Suriyada Türkiyənin anklavı hesab olunan və 2015-ci ilin fevralında İŞİD terror təşkilatı ilə mübarizə zamanı təhlükəsizlik məqsədləri ilə Suriyadan çıxarılan Süleyman Şah türbəsi əvvəlki yerinə qaytarılacaq.
Trend-in məlumatına görə, bunu Türkiyə baş nazirinin müavini Fikri İşık deyib.
O qeyd edib ki, İŞİD təhdidi ilə əlaqədar türbə üç il Türkiyə-Suriya sərhədindəki Eşme kəndinə köçürülmüşdü.
Nazir müavini türbənin əvvəlki yerinə qaytarılacağı dəqiq tarixi açıqlamayıb.
Qeyd edək ki, 1921-ci ildə imzalanmış beynəlxalq müqaviləyə əsasən Süleyman Şah türbəsi Türkiyənin anklavı hesab olunur. Türbəni Kobani rayonunda 40-a yaxın türk hərbçisi qoruyurdu.