...

Yerevanda 228 etirazçı saxlanılıb

Dünya xəbərləri Materials 22 Aprel 2018 17:02 (UTC +04:00)
Hüquq-mühafizə orqanlarının əməkdaşları Yerevanda 228 nümayişçini saxlayıb.
Yerevanda 228 etirazçı saxlanılıb

Bakı. Trend:

Hüquq-mühafizə orqanlarının əməkdaşları Yerevanda 228 nümayişçini saxlayıb.

Trend-in RİA Novosti-yə istinadən verdiyi məlumata əsasən, bunu polisin mətbuat xidməti bildirib.

Qeyd olunur ki, aksiya rəhbəri, müxalif deputat Nikol Paşinyan, daha iki deputat Artur Mirzoyan və Sasun Mikayelyan da polis tərəfindən saxlanılıblar.

Xatırladaq ki, bu gün səhər Nikol Paşinyan və baş nazir Serj Sarkisyan arasında qısa sürən danışıqlar nəticəsiz yekunlaşıb.

Qeyd edək ki, aprelin 13-dən Yerevanda müxalif deputat Nikol Paşinyanın rəhbərliyi ilə Serj Sarkisyanın baş nazir seçilməsinə qarşı etiraz aksiyası keçirilir. Etirazlar zamanı polislə aksiya iştirakçıları arasında qarşıdurmalar yaşanıb.

Məqalədə:
Xəbər lenti

Xəbər lenti