Bakı. Trend:
Çinin Sıçuan əyalətində daha bir zəlzələ baş verib.
Trend-in Çin Seysmoloji Mərkəzinə istinadən verdiyi məlumata görə, maqnitudası 4,3 olan zəlzələ yerli vaxtla saat 10:36-da qeydə alınıb.
Yeraltı təkanların episentri Çendu şəhərindən 140 kilometr cənubda, ocağı isə 7 kilometr dərinlikdə yerləşib.
Qeyd edək ki, daha əvvəl yerli vaxtla saat 06:42-də Sıçuan əyalətində 5,4 bal gücündə zəlzələ olub. Zəlzələ nəticəsində 1 nəfər həlak olub, 29 nəfər isə yaralanıb.