Bakı. Trend:
Türkiyə prezidenti Rəcəb Tayyib Ərdoğan Fransa prezidenti Emmanuel Makron ilə telefon danışığı aparıb.
Trend-in məlumatına görə, görüşdə Suriyanın İdlib şəhərində vəziyyət və suriyalı qaçqınlar problemi müzakirə edilib.
Qeyd edək ki, fevralın 19-da Ərdoğan Suriyanın İdlib şəhərində hərbi əməliyyata başlamağın mümkünlüyünü açıqlamışdı.
Onun sözlərinə görə, Türkiyə İdlibi Suriya rejiminə və tərəfdarlarına buraxmayacaq.