Bakı. Trend:
Son sutka ərzində Çində 108 yeni koronavirusa yoluxma aşkar edilib: 34 aktiv və 74 asimptomatik hal.
Trend-in məlumatına görə, bu barədə Çinin Dövlət Səhiyyə Komitəsinin rəsmi saytında bildirilib.
Məlumata əsasən, aktiv hallardan 29-u ölkə daxilində qeydə alınıb: 20-si ÇXR Sincan Uyğur Muxtar Rayonunda, 9-u şimal-şərqdə yerləşən Lyaonin əyalətində.
Əvvəlki gün ərzində 64 (21 aktiv, 43 asimptomatik) yoluxma halı aşkarlanıb. Ümumilikdə Çində 4 634 nəfər koronavirusun qurbanı olub, 83 784 aktiv yoluxma hadisəsi qeydə alınıb.