Bakı. Trend:
ABŞ prezidenti Donald Tramp Daxili Təhlükəsizlik Nazirliyinin Kibertəhlükəsizlik və İnfrastruktur üzrə Agentliyinin rəhbəri Kristofer Krebsi vəzifəsindən azad edib.
Trend-in "TASS"a istinadən verdiyi məlumata görə, bu barədə ABŞ prezidenti özünün "Twitter" səhifəsində yazıb.
D.Tramp bildirib: "Kris Krebs Kibertəhlükəsizlik və İnfrastruktur üzrə Agentliyin təhbəri vəzifəsindən azad edilib".
ABŞ prezidenti qeyd edib ki, K.Krebsin prezident seçkilərinin təhlükəsizliyi ilə bağlı son açıqlaması olduqca qeyri-dəqiq idi. Onun sözlərinə görə, seçkilərdə çox sayda pozuntu və saxtakarlıq olub.