Bakı. Trend:
Vyana danışıqları zamanı kompromis əldə olunarsa, Amerika tərəfi nüvə sazişindən çıxmayacağına zəmanət verməlidir.
Trend yerli KİV-lərə istinadən xəbər verir ki, bu barədə İran parlamentinin prezidentə ünvanlanmış müraciətində deyilir.
Vurğulanır ki, danışıqlarda ABŞ nüvə sazişindən çıxmayacağına dair hüquqi zəmanət verməlidir və bu ABŞ-ın əsas hökumət qurumları tərəfindən təsdiqlənməlidir.
Müraciət 250 millət vəkili tərəfindən imzalanıb.
Xatırladaq ki, Vyanada İranın nüvə proqramı üzrə Birgə Hərtərəfli Fəaliyyət Planını ilkin formada bərpa etmək, ABŞ-ı bu çoxtərəfli razılaşmaya qaytarmaq məqsədi ilə aparılan və səkkiz raunddan ibarət olan danışıqlardan sonra martın 11-də xarici amillərlə bağlı fasilə elan olunub.
Bundan əvvəl Vyana danışıqları yekunlaşmağa çox yaxın və fevralın sonuna qədər başa çatmalı idi.