Bakı. Trend:
Meksikanın mərkəzindəki Quanaxuato ştatının Selaya şəhərində silahlı şəxslər polis əməkdaşlarına atəş açıb.
Trend-in məlumatına görə, bu barədə "El Universal" qəzeti xəbər verib.
Məlumata əsasən, silahlı hücum nəticəsində bir polis əməkdaşı həlak olub, ikisi yaralanıb.
Bu cinayətdə şübhəli bilinən 3 nəfərin tutulmasından qısa müddət sonra cinayətkarlar yanan avtomobillərlə bəzi bölgələrdə yolları bağlamağa başlayıblar. Onlar ən azı iki yük maşını və bir neçə avtomobili ələ keçirərək məhv ediblər.