Bakı. Trend:
Bolqarıstan prezidenti Rumen Radev fevralın 3-də 48-ci Xalq Məclisinin buraxılması və aprelin 2-də parlament seçkilərinin keçirilməsinə dair fərman imzalayıb.
Trend-in məlumatına görə, bu barədə Prezidentin mətbuat xidməti xəbər verib.
"Konstitusiya əsasında prezident Rumen Radev fevralın 3-də 48-ci Xalq Məclisinin buraxılmasına dair fərman imzalayıb. Dövlət başçısı aprelin 2-nə parlament seçkiləri təyin edib", - məlumatda deyilir.
Prezident fevralın 3-dən Qılıb Donevin rəhbərliyi ilə yeni texniki hakimiyyət təyin edib.