Bakı. Trend:
Belçika federal prokurorluğu cümə axşamı bir neçə şəhərdə axtarışlar və Flandriyada “İslam dövləti” terror qruplaşmasının yeddi “qeyrətli tərəfdarı”nın həbs edildiyini elan edib.
Trend-in məlumatına görə, onlar terror aktı hazırlamaqda şübhəli bilinənlər.
Belçika mətbuatından bildirilib ki, saxlanılanların ya əksəriyyəti, ya da hamısı Çeçenistandandır, üçü Belçika vətəndaşıdır.
Öz növbəsində, “La Libre Belgique” qəzeti prokurorluğa istinadən xəbər verir ki, şübhəlilər gələcək hücumun konkret hədəfini hələ müəyyənləşdirməyiblər, lakin “aktiv şəkildə silah axtarırdılar”.