Bakı. Trend:
Perunun qərbində mikroavtobusun uçurumdan aşması nəticəsində azı 10 nəfər ölüb.
Trend-in məlumatına görə, bu barədə "Andina" agentliyi xəbər verib.
Məlumata əsasən, nəqliyyat vasitəsində olan 9 sərnişin sağ qalıb. Polis xəsarətlərin ağırlığına görə yol qəzasında ölənlənlərinin sayının arta biləcəyini istisna etməyib.
Hadisənin səbəbləri hələki müəyyən edilməyib. Polisin verdiyi məlumata görə, mikroavtobus Ankaş əyalətində körpüdən keçərkən uçurumdan aşıb.