Bakı. Trend:
Türkiyə Əsri qadınlarla birlikdə inşa ediləcək.
Trend TurkicWorld-a istinadən xəbər verir ki, bu sözləri Türkiyənin birinci xanımı Əminə Ərdoğan Ədalət və İnkişaf Partiyasının (AK Parti) qadın millət vəkilləri ilə görüşü zamanı deyib.
"Ən çox qadın millət vəkili olan partiya AK Partidir. Bu rəqəmləri daha da artırmalıyıq. Qadınlar üçün yeni və innovativ layihələr həyata keçirilməlidir”, - deyə o bildirib.
Qeyd edək ki, Türkiyənin iqtidarda olan Ədalət və İnkişaf Partiyasında (AK Parti) 50 qadın millət vəkili var.