Bakı. Trend:
Serbiya prezidenti Aleksandr Vuçiç parlamenti buraxıb.
Trend xarici KİV-ə istinadən xəbər verir ki, A.Vuçiç növbədənkənar parlament seçkilərinin bu il dekabrın 17-də keçiriləcəyini rəsmi olaraq təsdiqləyib.
"3 aprel 2022-ci il tarixində seçilmiş parlamenti buraxıram. Deputat seçkilərini 17 dekabr 2023-cü ilə təyin edirəm", - deyə Serbiya prezidenti xalqa müraciətində deyib.
Qeyd edək ki, oktyabrın 30-da Serbiya hökuməti ölkə prezidentinə Milli Skupşinanın (Serbiyada parlament) buraxılması və parlament seçkilərinin rəsmi şəkildə təyin olunması barədə təkliflə müraciət edib.