Bakı. Trend:
Yəmənin Hudeyda şəhəri yaxınlığında hərəkət edən iki gəmi Qırmızı dənizdə hücuma məruz qalıb.
Trend-in məlumatına görə, bu barədə Böyük Britaniya Dəniz Ticarət Əməliyyatları İdarəsi (UKMTO) bildirib.
Məlumata əsasən, ekipajsız olan suüstü vasitə Hudeydadan 180 km şimal-qərbdə gəmilərdən birinə hücum edib. O, gəminin sol bortuna çırpıldı və ona müəyyən ziyan vurdu. Lakin ekipaj xəsarət almayıb və gəmi limana doğru yoluna davam edib.
Həmçinin, UKMTO-nun məlumatına əsasən, ikinci gəmi əvvəllər iki qayıq tərəfindən atəşə tutulub və başqa bir ekipajsız suüstü vasitəsi ilə iki dəfə toqquşub.