Bakı. Trend:
ABŞ-ın hazırkı lideri Co Bayden bazar ertəsi ABŞ prezidentliyinə Respublikaçılar Partiyasından namizəd Donald Trampla telefon danışığında mümkün sui-qəsd cəhdində xəsarət almadığı üçün sevincini ifadə edib.
Trend xəbər verir ki, bu barədə Ağ Evin mətbuat katibinin müavini Emili Simons bildirib.
“Prezident Bayden keçmiş prezident Trampla danışdı və onun təhlükəsiz olduğuna dair rahatlığını bildirdi. Onların arasında səmimi söhbət oldu və keçmiş prezident Tramp zəngə görə minnətdarlığını bildirdi”, - Emili Simons X-də yazıb.
Bayden daha əvvəl jurnalistlərə Trampa zəng etdiyini, lakin onunla əlaqə saxlaya bilmədiyini bildirmişdi.