Bakı. Trend:
Şimali Koreyada 1,4 milyon gənc vətəndaşın Koreya Xalq Ordusuna qoşulmaq və ya geri qayıtmaq istədikləri açıqlanıb.
Trend xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb. Bildirilir ki, bu qərar Cənubi Koreyaya məxsus pilotsuz təyyarələrin Pxenyana sızması və ardınca yaranan gərginlik fonunda verilib.
Oktyabrın 14 və 15-də ölkədə geniş miqyaslı tədbirlər keçirilib. Gənclər Birliyinin rəhbərləri, ehtiyatda olan əsgər və zabitlər, eləcə də Kim İr Sen Universiteti, Kim Çak Politexnik Universiteti, Pxenbuk Sənaye İnstitutu və Sarivon Kyo Kənd Təsərrüfatı İnstitutunun tələbələri bir araya gələrək öz arzularını və fikirlərini ifadə ediblər.
Bu tədbirlər gənclərin fəal iştirakı ilə keçib və onlar arasında fikir mübadiləsi üçün şərait yaradılıb.