Bakı. Trend:
Amerikanın Virciniya ştatının Frederiksburq şəhəri yaxınlığında baş verən atışma nəticəsində 3 nəfər həlak olub, daha 3 nəfər yaralanıb.
Trend xəbər verir ki, bu barədə Washington Post qəzeti Spotsilvaniya qraflığının şerif departamentinə istinadən məlumat yayıb.
Hadisənin səbəbləri və şübhəli şəxslərin kimliyi hələlik müəyyən olunmayıb. Yaralılar xəstəxanaya yerləşdirilib, vəziyyətləri barədə məlumat verilməyib.
Hazırda hadisə ilə bağlı istintaq davam etdirilir. Hüquq-mühafizə orqanları əhalini diqqətli olmağa və istənilən məlumatı paylaşmağa çağırıb.