Bakı. Trend:
ABŞ universitetlərində 600-dən çox beynəlxalq tələbə, müəllim və tədqiqatçı son günlərdə vizalarını itirib.
Trend-in məlumatına görə, bu barədə CNN telekanalı vəkillərin açıqlamalarına və iddialara istinadən xəbər yayıb.
Məlumata əsasən, keçmiş ABŞ Prezidenti Donald Trampın administrasiyası tərəfindən həyata keçirilən son tədbirlər nəticəsində ölkənin ən azı 90 universitetində təhsil alan və çalışan 600-dən çox əcnəbinin vizası ləğv edilib.
CNN qeyd edir ki, viza itirənlər arasında həm kiçik qanun pozuntularına yol verənlər, həm də heç bir qanun pozmayan şəxslər var. Eyni zamanda, onların ABŞ-ni nə vaxt tərk etməli olduqları məsələsi hələlik qeyri-müəyyən olaraq qalır.