Bakı. Trend:
Yaponiyadan ABŞ-nin Hyuston şəhərinə uçan “All Nippon Airways” hava yollarına məxsus sərnişin təyyarəsi göyərtədə yaranan insidentlə əlaqədar Sietlın Takoma Beynəlxalq aeroportuna məcburi eniş edib.
Trend bu barədə xarici KİV-ə istinadən məlumat yayıb.
Məlumata görə, Tokyonun Haneda aeroportunda çıxan təyyarədə sərnişinlərdən birinin uçuşda olan təyyarənin qapısını açmağa cəhd etdiyi bildirilir. İnsidentlə bağlı məlumatlandırıldıqdan sonra dispetçerlər 9 saat uçuşda olan təyyarəni Sietl aeroportuna yönləndirib.
Məcburi enişə səbəb olmuş sərnişinin aqibəti barədə məlumat verilmir.