Bakı. Trend:
Qvatemalada arxeoloqlar 3 min il yaşı olan – Maya sivilizasiyasına aid qədim şəhərin viranəliyini, o cümlədən ehramlar və abidələr aşkarlayıb.
Trend xəbər verir ki, bu barədə xarici KİV-lər məlumat yayıb.
Məlumata görə, “Los Abuelos” adı verilmiş şəhərin qalıqları (isp. dilində “Nənə-babalar” anlamına gəlir –red.) Qvatemalanın Peter rayonda yerləşən Uaksaktun arxeoloji məkanından 21 kilometr aralıda tapılıb.
Alimlər bu şəhərin Maya sivilizasiyasının ən qədim və ən vacib mərasim mərkəzlərindən olduğunu güman edir.
Ərazidən tapılan abidələr eramızdan əvvəl 800-500-cü illərə aid edilir və unikal ikonoqrafiya ilə bəzədilmiş görünür.