Bakı. Trend:
Mərakeşin Fəz şəhərində bir-birinə bitişik iki binanın çökməsi nəticəsində ölənlərin sayı 22 nəfərə çatıb.
Trend xarici KİV-ə istinadən xəbər verir ki, bu barədə Fəz şəhər prokurorluğu məlumat yayıb.
Məlumata görə, binalardan birində ümumiyyətlə yaşayan olmayıb, digərində isə körpənin doğumunun qeyd olunduğu Əqiqə mərasimi keçirilib.
Prokurorluq rəsmi itki sayının dəyişəcəyini istisna etməyib.
xxx
14:18
Mərakeşin Fəs şəhərində bir-birinə yaxın iki yaşayış binası çöküb.
Trend bu barədə xarici KİV-ə istinadən xəbər verir.
İlkin məlumata görə, hadisə nəticəsində azı 19 nəfər həlak olub, 16 nəfər yaralanıb.
İnsidentin baş verdiyi binalarda səkkiz ailənin yaşadığı bildirilir. Xilasedicilər dağıntılar altında sağ qaldığı güman edilən sakinləri çıxarmağa çalışırlar.
Hadisənin səbəbləri barədə rəsmi məlumat yoxdur.