Azərbaycan, Bakı, 19 iyun /Trend, müxbir Hüseyn Vəliyev/
Azərbaycanın suya tullanma üzrə komandasının üzvü Olqa Bıkovskaya ümumilikdə I Avropa Oyunlarında nəticəsindən razıdır və rəqibləri ilə mübarizə aparmağa hazırdır.
O, Trend-ə bildirib ki, iyunun 21-də 3 metrlik tramplindən tullanma yarışlarında çıxış edəcək.
O.Bıkovskaya qeyd edib ki, yarışlara hazırlaşmaq üçün maksimum səy göstərir: "Çox vaxt məşqlər 4 saat vaxt aparır. Yarışlarda ən həyəcanlı an sonuncu tullanışdır ki, bu da idmançını medaldan ayırır".
İdmançımız əlavə edib ki, Avropa Oyunları yüksək səviyyədə təşkil edilib və könüllülər səylə çalışırlar.