...

Milli İncəsənət Muzeyinin eksponatları Almaniyada nümayiş olunur

Mədəniyyət Materials 12 Yanvar 2018 13:34 (UTC +04:00)
Azərbaycan Milli İncəsənət Muzeyinin eksponatları Almaniyada keçirilən sərgidə nümayiş etdirilir.
Milli İncəsənət Muzeyinin eksponatları Almaniyada nümayiş olunur

Trend-i buradan izləyin

Bakı. Trend:

Azərbaycan Milli İncəsənət Muzeyinin eksponatları Almaniyada keçirilən sərgidə nümayiş etdirilir.

Bu barədə Trend-ə Mədəniyyət və Turizm Nazirliyindən məlumat verilib.

Bildirilir ki, Almaniyanın Frankfurt şəhərindəki İkonalar Muzeyində “Hessen şahzadələri Rusiya tarixində” adlı sərgi açılıb. Rusiya və Almaniyanın birgə layihəsi olan sərgi “Elizabet-Segiyevski Maarifləndirmə Fondu” və Rusiya Mədəniyyət Nazirliyinin dəstəyi, “ROSİZO” Dövlət Muzey-Sərgi Mərkəzinin təşkilatçılığı ilə keçirilir.

Sərginin açılışında çıxış edən Rusiyanın xarici işlər naziri Sergey Lavrov tədbiri mədəniyyətlərarası dialoqun inkişafı üçün mühüm addım kimi dəyərləndirib.

Məlumat verilib ki, layihə Rusiyanın ictimai-mədəni həyatında xidmətləri olan Hessen şahzadələrinə (imperator I Pavelin həyat yoldaşı Natalya Alekseyevna, II Aleksandrın xanımı Mariya Aleksandrovna və s.) həsr olunub.

Sərgidə Sankt-Peterburq Ermitaj, “Pavlovsk”, “Çarskoe selo”, “Peterqof” və digər muzeylərin unikal kolleksiyalarından şahzadələrə aid sənədlər, fotoşəkillər, rəsm əsərləri, şəxsi əşyalardan ibarət qiymətli eksponatlar nümayiş olunur. Bir çox eksponatlar isə Rusiya və Almaniyanın şəxsi kolleksiyaçıları tərəfindən təqdim edilib.

Layihədə Mədəniyyət və Turizm Nazirliyinin dəstəyi ilə Azərbaycan Milli İncəsənət Muzeyi də təmsil olunur. Sərgidə muzeyin fondundan Yelizaveta Fyodorovnanın iki portreti nümayiş etdirilir. Müəllifləri alman rəssamı F.Kaulbax və fransız fırça ustası Jan Jozef Benjamen Konstan olan hər iki əsər muzeyin kolleksiyasına 1936-cı ildə daxil olub.

Sərgi fevralın 26-dək davam edəcək.

Məqalədə:
Xəbər lenti

Xəbər lenti