Bakı. Ceyhun Ələkbərov - Trend:
Bakıda yüklə dolu "Kamaz" polisin qanuni tələblərinə tabe olmayıb.
Trend-in məlumatına görə, hadisə gecə saatlarında paytaxtın Xətai rayonu ərazisində baş verib.
Daxili İşlər Nazirliyinin post-patrul xidməti yolda avtomobillərin hərəkətinə mane olan "Kamaz" markalı avtomobilə "saxla!" əmri versə də, yük avtombilinin sürücüsü əmrə tabe olmayıb.
Sürücü qarşı yola keçərək növbəti dəfə avtomobillər üçün real təhlükə yaratmaqla ərazidən uzaqlaşıb.
