Şuşa. Trend:
Qırğızıstan diaspor fəaliyyətinin inkişafı sahəsində Azərbaycanın təcrübəsini öyrənmək istəyir.
Trend xəbər verir ki, bunu Qırğızıstan Prezidenti yanında Dövlət Dili və Dil Siyasəti üzrə Milli Komissiyanın sədri Kanıbek Osmonaliyev Şuşada keçirilən Bakı-Şuşa Beynəlxalq Forumunun ikinci günündə çıxışı zamanı deyib.
"Bizim diasporumuz əsasən Mərkəzi Asiya ölkələrində, Çin və Türkiyədə yerləşir. Biz diaspor fəaliyyətinin inkişaf etdirilməsi məsələsini aktual hesab edirik və bu məsələdə Azərbaycan tərəfinin təcrübəsini öyrənmək niyyətindəyik", - deyə o bildirib.