Azərbaycan, Şəki, 08 iyul / Trend , müxbir S.Fətəliyev/ İntensiv yağışların yağması nəticəsində Azərbaycanın şimal-qərbində yerləşən Şəki şəhərini su ilə təmin edən bəndin bir hissəsini sel yuyub aparıb.
Dünəndən başlayan yağışlar paytaxt Bakıdan 320 km şimal-qərbdə yerləşən Şəki şəhərinin 70 faizini içməli su ilə təmin edən Kiş çayında suyun səviyyəsi xeyli artıb. Suyun səviyyəsinin artması isə bəndin bir hissəsinin uçmasına səbəb olub.
Şəki şəhər İcra Hakimiyyətindən çərşənbə axşamı bildiriblər ki, bəndin bir hissəsinin uçması və suyun lillənməsi nəticəsində Şəki şəhərinin sakinlərinə 3 gün ərzində içməli suyun verilməsində ciddi problemlər olacaq.
Bu müddətdən sonra bəndin bərpası və suyun lildən təmizlənib, əhaliyə verilməsi başa çatacaq.
Güclü yağan yağış bəzi istirahət zonalarının şəhərlə əlaqəsini kəsib. Kiş çayı üzərində beton borularla qurulan körpü dağılıb.
Məqalə müəllifi ilə əlaqə ünvanı: [email protected]