Azərbaycan, Bakı, 12 sentyabr / Trend , müxbir S.Kazımlı / Bakıda yerləşən 20 saylı Nərimanov ikinci Dairə Seçki Komissiyasının (DSK) əməkdaşı itkin düşüb.
Nərimanov rayon Polis İdarəsinin (RPİ) 17-ci polis bölməsindən cümə günü Trend -a verilən məlumata görə, bir neçə gün öncə Əliyar Əliyev küçəsi, ev 39, mənzil 91 ünvanda yaşayan 1988-ci il təvəllüdlü Ellada İsmayılova işə getmək adı ilə evdən çıxdıqdan sonra itkin düşüb.
Polis bölməsindən bildiriblər ki, İsmayılova Fətəli Xoyski prospekti, ev 79 ünvanda yerləşən 20 saylı Nərimanov ikinci DSK-da operator işləyir.
Hazırda İsmayılovanın tapılması üçün əməliyyat-axtarış tədbirləri davam etdirilir.
Faktla bağlı Nərimanov RPİ-nin 17-ci polis bölməsində araşdırma aparılır.
Məqalə müəllifi ilə əlaqə ünvanı: [email protected]