Azərbaycan, Bakı, 20 noyabr / Trend , müxbir S. Kazımlı / Bakının Binəqədi rayonunda qətl hadisəsi baş verib. Öldürülən şəxsin Bakı Metropoliteninin əməkdaşı olduğu bildirilir. Bu barədə Trend -a Binəqədi rayon Prokurorluğundan məlumat verilib.
Məlumata görə, ötən gecə naməlum şəxs Binəqədi qəsəbəsinin 1- ci Mədən küçəsində qəsəbə sakini, Bakı Metropolitenin işçisi, 23 yaşlı Əvəz Ənvər oğlu Əzimovu bıçaqla qətlə yetirib.
Hazırda hadisəni törədən şəxsin müəyyən edilib tutulması üçün polis əməkdaşları tərəfindən əməliyyat - axtarış tədbirləri davam etdirilir. Hadisənin baş vermə səbəbləri hələlik bilinmir.
Faktla bağlı Binəqədi rayon Prokurorluğunda Azərbaycan Cinayət Məcəlləsinin qəsdən adam öldürmə, yəni digər şəxsi qəsdən həyatdan məhrum etmə (120.1- ci) maddəsi ilə cinayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
