Azərbaycan, Bakı, 26 sentyabr /Trend, müxbir K.Zərbalıyeva/
Bakı polisi oğurlanmış avtomobili tapıb.
Daxili İşlər Nazirliyindən bazar ertəsi Trend-ə verilən məlumata görə, sentyabrın 23-də Sumqayıt şəhəri ərazisindən Emin Həsənova məxsus "Mercedes" markalı avtomaşın qaçırılıb.
DİN-in Növbətçi Hissələri İdarəetmə Xidmətinin Təhlükəsiz Şəhər kameraları vasitəsilə avtomobilin metronun "Əzizbəyov" stansiyası istiqamətində hərəkətdə olması aşkar edilib və görülmüş tədbirlər nəticəsində onu qaçırmış Bakı şəhər sakini Tural Qəhrəmanov saxlanılıb.
Araşdırmalar aparılması üçün Qəhrəmanov avtomaşınla birgə Sumqayıt Şəhər Polis İdarəsinə təhvil verilib.