Azərbaycan, Bakı, 6 yanvar / Trend, müxbir K.Zərbalıyeva/
Bakı şəhər sakininin avtomobili qaçırılıb.
Bakı Şəhər Baş Polis İdarəsinin mətbuat xidmətindən cümə günü Trend-ə verilən məlumata görə, dekabrın 7-nə keçən gecə Binə qəsəbəsində qəsəbə sakini Taleh Şəfiyevə məxsus "Niva" markalı avtomobildən şüşəni çıxarmaq yolu ilə sənədlər oğurlanıb.
Xəzər Rayon Polis İdarəsinin və 2-ci polis bölməsinin əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Bakı şəhər sakinləri Orxan Hüseynov və Seyran Cahangirov yanvarın 5-də tutulub.
Müəyyən edilib ki, onlar dekabrın 8-nə keçən gecə Buzovna qəsəbəsindən Maştağa qəsəbə sakini Fəxrəddin Şahverdiyevə məxsus "VAZ-2107" markalı avtomobilini qaçırıblar.
Elə həmin gün avtomobil saat 21 radələrində Buzovna qəsəbəsində dəmir yolunun kənarında saz vəziyyətdə tapılıb.