Azərbaycan, Bakı, 7 may /Trend/
Zaqatalada növbəti dəfə zəlzələ qeydə alınıb.
Respublika Seysmoloji Xidmət Mərkəzindən Trend-ə verilən məlumata görə, Bakı vaxtı ilə saat 21:58-də Zaqatala rayonunundan 13 km cənubda zəlzələ qeydə alınıb.
Yeraltı təkanların gücü episentrdə 4 bal olub.
Yeraltı təkanlar Zaqatalada 3 bal, zəlzələ mərkəzinə yaxın yaşayış məntəqələrində 3-2 bal gücündə hiss olunub.
İnsan tələfatı və tikililərdə dağıntılar yoxdur.
Qeyd edək ki, bu gün səhər saat 09:40 radələrində də Zaqatalada 7 bal gücündə zəlzələ qeydə alınıb. Rayonun kəndlərində dağıntı qeydə alınıb.