Azərbaycan, Bakı, 6 fevral /Trend, müxbir İ.İzzət/
Rusiya vətəndaşı olan qadın Bakıda iki nəfəri bıçaqlamaqda şübhəli bilinir.
Bakı Şəhər Baş Polis İdarəsinin mətbuat xidmətindən Trend-ə verilən məlumata görə, fevralın 4-ü saat 05:30 radələrində Daş karxanası küçəsində Qazax rayon sakini Üzeyir Yusifov və A.Nemətulla küçəsində Bakı şəhər sakini Anar Məmmədxanov bıçaq xəsarətləri ilə xəstəxanaya yerləşdiriliblər.
Nərimanov Rayon Polis İdarəsinin 17-ci Polis Bölməsinin əməkdaşlarının keçirdikləri əməliyyat tədbirləri nəticəsində hər iki cinayətdə şübhəli bilinən əvvəllər məhkum olunmuş, Rusiya Federasiyasının vətəndaşı Olqa Adeyeva fevralın 5-də tutulub.
Faktla bağlı araşdırma aparılır.