Azərbaycan, Bakı, 11 fevral /Trend, müxbir İ.İzzət/
Bakıda avtobusda oğurluq etmiş Sumqayıt sakini yaxalanıb.
Bakı Şəhər Baş Polis İdarəsindən Trend-ə verilən məlumata görə, fevralın 10-da Nizami Rayon Polis İdarəsinin 24-cü Polis Bölməsinin əməkdaşlarının keçirdiyi əməliyyat tədbirləri nəticəsində oğurluqda şübhəli bilinən, Sumqayıt şəhər sakini Məleykə Şamilova yaxalanıb.
Qeyd edək ki, Şamilova yanvarın 24-də 40 saylı avtobusda Bakı şəhər sakini Sevil Vəliyevanın içərisində 250 manat, şəxsiyyət vəsiqəsi və bankomat kartı olan pul kisəsini oğurlamaqda ittiham olunur.