Azərbaycan, Bakı, 18 mart /Trend, müxbir İ.İzzət/
Bakıda əxlaqsızlıq yuvası təşkil edilən masaj salonu Rusiya Federasiyasının vətəndaşına məxsus imiş.
Daxili İşlər Nazirliyinin mətbuat xidmətindən Trend-ə verilən məlumata görə, Nərimanov Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində əxlaqsızlıq yuvası saxlanılan "Edem" masaj salonunun sahibi Rusiya Federasiyasının vətəndaşı Tumisa Mitayeva tutulub.
Qeyd edək ki, daha öncə - martın 15-də Bakı şəhər sakinləri Lalə Bəydəmirova və Arzu Yolçıyeva icarəyə götürdükləri "Edem" masaj salonunda əxlaqsızlıq yuvası təşkil etdikləri üçün saxlanılmışdılar.
Faktla bağlı polis idarəsində araşdırmalar davam etdirilir.