...

Bakıda avtobus iki piyadanı vurdu: biri öldü, digəri xəsarət aldı

Hadisə Materials 23 May 2013 10:08 (UTC +04:00)
Bakıda Binəqədi şossesində sərnişin avtobusunun törətdiyi qəzada bir piyada ölüb, digəri xəsarət alıb.

Azərbaycan, Bakı, 23 may /Trend, müxbir İ.İzzət/

Bakıda Binəqədi şossesində sərnişin avtobusunun törətdiyi qəzada bir piyada ölüb, digəri xəsarət alıb.

Binəqədi Rayon Polis İdarəsindən Trend-ə verilən məlumata görə, mayın 22-si saat 22:00 radələrində 165 saylı marşrut üzrə Binəqədi şossesi ilə hərəkət edən edən "Daewoo" markalı sərnişin avtobusu yolu keçən piyadalar - 1961-ci təvəllüdlü Balabəy Qasımov və 1971-ci təvəllüdlü Xanbala Mirzəyevi vurub.

Xanbala Mirzəyev xəstəxanaya yerləşdirilib. Balabəy Qasımov isə aldığı xəsarətlərdən hadisə yerində ölüb.

Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma; Eyni əməllər ehtiyatsızlıqdan zərərçəkmiş şəxsin ölümünə səbəb olduqda) maddəsi ilə iş başlanılıb.

Məqalədə:
Xəbər lenti

Xəbər lenti