Təfərrüatlar əlavə olunub (ilk xəbər 18:05-də yayılıb)
Azərbaycan, Bakı, 3 iyun /Trend/
Bu gün saat 17:15 radələrində Gəncəyə güclü dolu yağıb. Dolunun diametri 3-4 santimetrə çatıb.
Trend Kəpəz TV-yə istinadən məlumat verir ki, bu hadisə yay fəslində Gəncənin iqlimi üçün heç də xarakterik hal deyil. Şəhər əhalisi də güclü dolunun yağmasını təəccüblə qarşılayıb.
5 dəqiqə davam edən bu təbiət hadisəsi sonda yağışla əvəzlənib.
Hazırda Gəncədə güclü külək əsir.
Sakinlərin Trend-ə verdiyi məlumata görə, güclü külək nəticəsində şəhərə elektrik enerjisinin verilişində fasilələr yaranıb.
Bəzi ərazilərdə külək binaların dam örtüklərini uçurub, onlarla avtomobilə ziyan dəyib.