Azərbaycan, Bakı, 23 iyul /Trend/
Yuxarı Qarabağ kanalında batmış şəxsin meyiti tapılıb. Bu barədə Trend məlumat verib.
Xəbərdə deyilir ki, Fövqəladə Hallar Nazirliyinin Dövlət Sularda Xilasetmə Xidmətinə daxil olmuş məlumata əsasən, 22 iyul 2013-cü il tarixində Yuxarı Qarabağ kanalının Bərdə rayonu Alpout kəndi ərazisindən keçən hissəsində batan 1977-ci il təvəllüdlü Nadirov Ceyhun Mirzə oğlunun axtarışları başa çatdırılıb.
Qeyd olunan şəxsin meyiti batdığı yerdən 15 km aralıda Fövqəladə Hallar Nazirliyinin dalğıc-xilasediciləri tərəfindən suda tapılaraq çıxarılıb və aidiyyəti üzrə təhvil verilib.