...

Türkiyə polisi Hatay vilayətində nümayişçiləri dağıdıb

Hadisə Materials 13 Sentyabr 2013 11:05
Türkiyə polisi bazar ertəsi keçirilən etiraz aksiyası zamanı Əhməd Ataxanın ölməsinə etiraz olaraq Hatay vilayətində nümayiş keçirən bir qrup şəxsi dağıdıb.
Türkiyə polisi Hatay vilayətində nümayişçiləri dağıdıb

Trend-i buradan izləyin

Azərbaycan, Bakı, 13 sentyabr /Trend, müxbir A.Tağıyeva/

Türkiyə polisi bazar ertəsi keçirilən etiraz aksiyası zamanı Əhməd Ataxanın ölməsinə etiraz olaraq Hatay vilayətində nümayiş keçirən bir qrup şəxsi dağıdıb. Bu barədə Trend "CNN Türk" telekanlına istinadən xəbər yayıb.

Məlumatda bildirilir ki, etirazçılar və polislər arasında baş verən qarşıdurma nəticəsində bir neçə nəfər yaralanıb.

Xatırladaq ki, daha əvvəl Türkiyənin daxili işlər naziri Müəmmər Gülər bildirib ki, Türkiyənin Hatay vilayətində nümayişçi Əhməd Atakanın ölümü onun damdan yıxılması ilə bağlıdır və Türkiyə polisinin onun ölümünə aidiyyəti yoxdur.

Nazir bildirib: "Tibbi ekspertiza göstərib ki, Ataxan damdan yıxılması nəticəsində ölüb. Polisin Ataxanın ölümünə heç bir aidiyyəti yoxdur".

Qeyd edək ki, avqustun 9-da Türkiyənin Hatay əyalətinin Antakya rayonunda hakim Ədalət və İnkişaf Partiyasının yürütdüyü siyasətdən narazı olan şəxslər etiraz aksiyası keçiriblər. Aksiya zamanı ölkənin təhlükəsizlik qüvvələrinin əməkdaşları ilə nümayişçilər arasında qarşıdurma baş verib. Qarşıdurmalar nəticəsində bir nəfər ölüb, daha bir neçə nəfər isə xəsarət alıb.

Xatırladaq ki, Türkiyədə bu ilin may ayında təxminən üç həftə ərzində etiraz aksiyaları keçirilib. Rəsmi Ankara nümayişlərin antihökumət xarakteri daşıdığını bəyan edib.

Həmin vaxt baş verən qarşıdurmalar nəticəsində dörd minə yaxın insan müxtəlif dərəcəli xəsarətlər alıb, 5 nəfər ölüb, 4,9 minə yaxın insan isə polis tərəfindən saxlanılıb.

Məqalədə:
Xəbər lenti

Xəbər lenti