Azərbaycan, Bakı, 26 oktyabr /Trend, müxbir T.Cəfərov/
Ötən gecə İran sərhədçiləri ilə Pakistandan İranın Sistan və Bəluçistan əyalətinin cənub-şərqində yerləşən Saravan şəhəri istiqamətində bu ölkəyə girmək istəyən bir qrup silahlı şəxs arasında atışma baş verib.
Atışma nəticəsində İranın 17 sərhədçisi öldürülüb. Trend-in məlumatına görə, bu barədə IRNA agentliyi adının açıqlanmasını istəməyən mənbəyə istinadən xəbər verir.
Məlumata əsasən, bu atışma zamanı, həmçinin İran sərhəd polisinin 5 əməkdaşı yaralanıb. Bundan başqa, 4 sərhəd polisi də terrorçu qruplaşmalar tərəfindən əsir götürülüb.
"Fars" agentliyinin məlumatına görə, həmin silahlı şəxslər İran əleyhinə olan qruplaşmalar tərəfindən törədilib.