Azərbaycan, Bakı, 11 noyabr / Trend /
Trend Kanal S-ə istinadən məlumat verir ki, rayonun Fıstıqlı kənd sakini 36 yaşlı Məmməd Əzimov ot presləyən aqreqata yaba ilə ot atarkən, ehtiyatsızlıqdan traktorla aqreqatı birləşdirən kardan hissəyə dolaşıb. İşlək vəziyyətdə olan mexanizm Məmməd Əzimovu fırladaraq ağır yaralayıb.
Yaralı dərhal Qax mərkəzi rayon xəstəxanasına çatdırılıb. Xəstə üzərində əməliyyat aparılıb.
Faktla bağlı Qax rayon Prokurorluğunda araşdırmalar aparılır.