Azərbaycan, Bakı, 8 dekabr /Trend/
Kür çayında batmaq təhlükəsi ilə üzləşmiş şəxs xilas edilib.
Trend Fövqəladə Hallar Nazirliyinin (FHN) rəsmi saytına istinadən məlumat verir ki, 1981-ci il təvəllüdlü Süleymanov İlqar Zəfərqulu oğlu Kür çayının Mingəçevir şəhərindən keçən hissəsində sürüşərək çaya düşmüş və batmaq təhlükəsi ilə üzləşib.
Dərhal FHN-in dalğıc-xilasediciləri hadisə yerinə cəlb edilib. Həmin şəxs nazirliyin dalğıc-xilasediciləri tərəfindən xilas olunub.