Azərbaycan, Bakı, 14 yanvar /Trend/
Xaçmaz rayonunda meşə massivində çoxlu sayda heyvan cəsədi tapılıb.
Trend Regional TV-yə istinadən xəbər verir ki, təxminən 1000-dək at və eşşək cəsədi yoldan 250-300 metr aralıda - Xaçmaz rayonun Qımıl kəndi ərazisində aşkarlanıb.
Faktla meşə gözətçisi İlyas İlyasov qarşılaşıb. O, bu vəzifəyə yeni təyin olunduğunu deyir. Ərazini təhvil-təslim edərkən bura baxış keçirib və çoxlu sayda at və eşşək cəsədini tapıb.
Onun sözlərinə görə, meşənin üç hissəsində bu cür heyvan məzarlığı var. İ.İlyasov bu barədə rəhbərliyə məlumat verdiyini bildirib.
Əraziyə heyvan cəsədləri axşam saatlarında gətirilir. Ehtimal olunur ki, bu heyvanların ətindən kolbasa istehsalında istifadə olunur.