Azərbaycan, Bakı, 6 may /Trend, müxbir İ.İzzət/
Bakıda təqaüdçü qadının evini qarət edən şəxs tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, aprelin 30-na keçən gecə S.Bağırov küçəsində yaşayan Tahirə Şoşanovanın evindən pəncərəni sındırmaq yolu ilə 100 manat, şəxsiyyət vəsiqəsi və təqaüd kartı oğurlanıb.
Pirallahı Rayon Polis Şöbəsi əməkdaşlarının keçirdikləri əməliyyat tədbirləri nəticəsində, oğurluqda şübhəli bilinən Bakı şəhər sakini Pərviz Həsənov tutulub.