Azərbaycan, Bakı, 22 may /Trend, müxbir İ.İzzət/
Göygöl rayonunda baş verən yol-nəqliyyat hadisəsi ölümlə nəticələnib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, mayın 21-də saat 19 radələrində Göygöl rayonu Yeni Zod kəndinin ərazisində Gəncə şəhər sakini Kamal Adıgözəlov idarə etdiyi "VAZ-2107" markalı avtomobili yolun kənarındakı darvazaya vuraraq aşırıb. Nəticədə K.Adığözəlovun sərnişini, Gəncə şəhər sakini Sənan Cəfərov hadisə yerində ölüb.
Faktla bağlı Göygöl Rayon Polis Şöbəsi tərəfindən araşdırma aparılır.