Azərbaycan, Bakı, 7 iyul / Trend, müxbir İlkin İzzət /
Bakı sakini işlədiyi "Xəzər Dəniz Gəmiçiliyi" QSC-yə məxsus gəmidə yıxılaraq ölüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, iyulun 5-də "Xəzər Dəniz Gəmiçiliyi" QSC-nin Zığ Quru Yük Limanında Bakı şəhər sakini Nadir Mirzəyev işlədiyi "Mahmud Rəhimov" adına gəmidə yıxılıb. N.Mirzəyev aldığı xəsarətdən ölüb.
Faktla bağlı araşdırma aparılır.