...

Bilik Günü Azərbaycanda avtomobil vurması nəticəsində 3 piyada ölüb

Hadisə Materials 16 Sentyabr 2014 13:35 (UTC +04:00)
Azərbaycanda sentyabrın 15-də avtomobil vurması nəticəsində 3 piyada ölüb.
Bilik Günü Azərbaycanda avtomobil vurması nəticəsində 3 piyada ölüb

Azərbaycan, Bakı, 16 sentyabr /Trend, müxbir İlkin İzzət/

Azərbaycanda sentyabrın 15-də avtomobil vurması nəticəsində 3 piyada ölüb.

Daxili İşlər Nazirliyinin (DİN) mətbuat xidmətindən Trend-ə verilən məlumata görə, sentyabrın 15-də saat 02 radələrində Bakının Nərimanov rayonu F.X.Xoyski küçəsində "Grand Cheroke" markalı avtomobillə yolu keçən 40-45 yaşlı kişi vurulub və həmin şəxs hadisə yerində ölüb.

Həmin gün saat 10 radələrində Yevlax şəhərində rayon sakini Hüseyn Nadirov idarə etdiyi "Nissan" markalı avtomobillə yolu keçən Pakizə Heydərovanı vurub. Xəstəxanaya yerləşdirilmiş piyada ölmüşdür.

Şəki rayonu Aşağı Göynük kəndində isə Axşam saat 18 radələrində Zaqatala rayon sakini Elməddin Qocayev idarə etdiyi "Mercedes" markalı avtomobillə yolu keçən kənd sakini Faiq Tahirovu vurub. Piyada hadisə yerində ölüb.

Hər üç faktla bağlı rayon polis şöbələri tərəfindən araşdırma aparılır.

Məqalədə:
Xəbər lenti

Xəbər lenti