Azərbaycan, Bakı, 3 fevral /Trend, müxbir İlkin İzzət/
Alış-veriş edən paytaxt sakinindən saxta əsginaslar götürülüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, fevralın 2-də Bakı şəhər sakini Hüseyn Onullahiyə məxsus mağazada, paytaxt sakini Əli Cəfərovun alış-veriş etdikdən sonra verdiyi 20 manatlıq əsginasın saxta olması müəyyən edilib.
Səbail RPİ 8-ci PB və Çevik Polis Alayı əməkdaşları tərəfindən Ə.Cəfərovun üzərinə baxış zamanı 3 ədəd saxta 20 manatlıq əsginas da aşkar edilərək götürülüb.
Faktla bağlı əməliyyat-istintaq tədbirləri davam etdirilir.