Azərbaycan, Bakı, 3 mart /Trend, müxbir İlkin İzzət/
İrandan gələn Azərbaycan vətəndaşının üzərində tiryək və həşiş qətranı aşkar olunub.
Dövlət Gömrük Komitəsindən (DGK) Trend-ə verilən məlumata görə, Astara Gömrük İdarəsinin sərnişin şöbəsində İran İslam Respublikasından Azərbaycan Respublikasına piyada gələn Azərbaycan vətəndaşı Nəsib Babayevin üzərində şəxsi yoxlama aparılıb. Yoxlama zamanı ondan 1 ədəd bükümdə, xalis çəkisi 9,141qram olan narkotik vasitə - tiryək və 1 ədəd bükümdə, xalis çəkisi 6,75 qram olan narkotik vasitə - həşiş qətranı aşkar olunub.
Faktla bağlı araşdırma aparılır.